Предлози за ЛШ, 05.12.2006 последно (шесто) коло од натпреварите по групи

Денес, за прв пат откако објавувам предлози за обложување, ќе напишам по некој збор за секој од натпреварите на кои ќе типувам утре. Малку ми е без врска ова, затоа што ако некого го интересираат ваквите податоци, може го најде по интернет-ов во изобилство. Јас (а верувам и Вие) преферирам, готова, спакувана информација. :) Како и да е, вака ќе биде само денес.
Се надевам дека конечно, сушниот период на блогов кој трае од минатиот вторник (од кога не е објавен добитен тикет, освен синглот вчера) конечно ќе заврши. Впрочем, би требало да не биде кој знае колку тешко за типување ако се има в предвид фактот дека ова е последно коло од натпреварите по групи.

Roma - Valencia 1 (1.60) √ (1:0)

Валенсија ќе игра со резерви, половина од главните играчи се повредени а останатата половина воопшто не допатува во Рим. Тие се веќе први во групата и овие бодови, не им значат ништо. На другата страна, Рома ќе игра без Тоти, а веројатно и Перота нема да биде во можност да настапи. Иако е без Тоти, сепак, поради тоа што е во одлична форма а и поради фактот што победа со сигурност им овозможува пласман понатаму, типувам на Рома. Мислам дека забрефтаната Рома, ќе биде преголем залак за втората екипа на Валенсија, за која не се сомневам дека ќе биде супермотивирана. Ми се чини дека ова е еден од полесните натпревари за типување денес. Имаме и солиден коефициент за победа на Рома, 1.60.

Chelsea - Levski Sofia 1 (1.10) √ (2:0)

Постои ОГРОМНА разлика во квалитет помеѓу овие два тима. И тоа верувам им е јасно на сите. Ако се има во предвид дека Челзи треба да победи за да го осигура местото бр 1. во групата А, единствено нешто што е непознато е разликата со која Левски ќе загуби. Кај Челзи нема да настапи капитенот Џон Тери а кај Левски нема да настапи стартниот голман.

Barcelona - Werder Bremen 1 (1.45) √ (2:0)

Барселона не може да калкулира. Победа е единствената опција за минатогодишниот првак. Во тимот се враќа Роналдињо, и очекувам да преземе доста од работите во свои раце. Откако во саботата гледав дел од натпреварот помеѓу Леванте и Барселона, (оној што ги уништи лифчињата на половината од нас), имам впечаток дека aкo Роналдиљо е во составот, Барса ќе биде 50% појака. Типот е 1, иако, морам да напоменам дека Вердер не е воопшто наивен тим, Вердер ја надмина малата криза, згора на тоа Вердер е германски тим. Ќе биде суперинтересно да се гледа. Она што мене ми е интересно, а верувам и вам како читатели на овој блог, е малиот коефициентот за победа на Барселона, само 1.45. Типувам 1, и овој тип го ставам на трето место од денешните натпревари.

PSV Eindhoven - Bordeaux 1 (1.80) X !!!!!!!!!!!!!!! (1:3)

ПСВ е еден од најдобрите европски клубови во моментов. Играат во страшна форма. Натпреварот нема никакво значење и за двата клуба. Кај Бордо нема да играат неколку стандардни првотимци, и ако на овој податок се придодаде она што го споменав погоре, т.е. феноменалната форма на ПСВ. Нема простор за друг тип освен за 1. Солиден коефициент, 1.80.

Olympiakos - Sachtor 1 (1.95) x (1:1)

Олимпијакос треба да победи, затоа што само така обезбедува пласман во Купот на Уефа. Шахтјор не е воопшто наивен тим, и ќе биде тврд орев. Сепак, поради одличната форма во која се наоѓа тимот од Пиреа, а и поради атмосферата на стадионот што очекувам навивачите на Олимпиакос да ја створат за овој натпревар, типувам на Олимпијакос. Имаме и одличен коефициент, 1.95.

Ќе има апдејт на постов, во текот на денет, ја очекувам анализата од натпреварот Спортинг - Спартак, ќе ја имам штом другар ми Ренат се отрезни. :)

Сега, да прејдеме на “главното“ т.е. на комбинациите што може да се направат од овие натпревари.
Јас го одиграв следниов тикет (овој треба да е главен тикет за денес), со уплата од 800 денари.

Тикет1:
Chelsea - Levski Sofia 1 1.10 √ (2:0)
PSV Eindhoven - Bordeaux 1 1.80 X (1:3) !!!!!
Barcelona - Werder Bremen 1 1.45 √ (2:0)
Roma - Valencia 1 1.60 √ (2:0)
Вкупен коеф. 4,59

Тикет2:
Chelsea - Levski Sofia 1-1 1.20 √ (2:0)
Barcelona - Werder Bremen 1 1.45 √ (2:0)
Roma - Valencia 1 1.60 √ (1:0)
Olympiakos - Sachtor 1 1.95 x (1:1)
Bayern Munchen - Inter Milan 0-2 г. 1.60 √ (1:1)
Sporting Lisbon - Spartak M. 1.60 x (1:3)
Вкупен коеф. 13,89

Еве и еден систем 3/7, во случај работите да тргнат на лошо. :)

Тикет3:
*Chelsea - Levski Sofia 1 1.10 (фикс) √ (2:0)
PSV Eindhoven - Bordeaux Х 3,10 - X (1:3)
Bayern Munchen - Inter Milan Х 3,00 - √ (1:1)
Sporting Lisbon - Spartak M. Х 3,30 - x (1:3)
Barcelona - Werder Bremen Х 3,40 x (2:0)
Roma - Valencia Х 3,20 x (1:0)
Olympiakos - Sachtor Х 3,00 √ (1:1)
Galatasaray - Liverpool Х 3,00 x (3:2)

Еве и неколку збора за системот:

Системов има 35 комбинации. Значи, минималната уплата со која истиот може да се одигра е 175 денари. Ако уплатиме 175 денари, една комбинација ќе вреди 5 денари. За да имаме било каква добивка, потребно е да погодиме три од седумте типови (и секако да го погодиме “фиксот“). Во таков случај, го множиме фиксот со 5 (вредноста на една комбинација) а потоа и со коефициентите од погодените 3 натпревари.
Во случај пак, да погодиме 4 натпревари, ја множиме вредноста на една комбинација со фикот (во конкретниот случај, 5*1.1), а потоа и со три од четирите погодени коефициенти.
Го повторуваме тоа се додека не ги исцрпиме сите комбинации на производи со три од погодените четири натпревари. Нивниот збир ни ја дава добивката.
Вака отприлика би изгледало тоа преку формула. Ако сме ги погодиле натпреварите x,y,z,q, тогаш, вкупната добивка ќе биде:
5*1,1*x*y*z+5*1.1*x*y*q+5*1.1*x*z*q+5*1.1*y*z*q
Каша попара е објаснувањето, ама во моментов немам време за повеќе. :) Ако некој има прашање плус, бујрум во коментари!

Коефициентите приложени во постов се од обложувалницата на Лотарија на Македонија.

update1: Добив неколку информации за натпреварот Спортинг - Спартак. Другар ми Ренат, кој е хардкор навивач на Спартак, предвидува резултат од 1:1 или евентуално 1:2. Ако се има в предвид дека сепак, он не може да биде 100% објективен, доаѓаме до заклучок дека неговата информација не ни користи многу. :) Јас одлучив да типувам на Спортинг.

Среќно на сите!!!!

update2: Нема да коментирам ништо, местени-неместени ние не можеме да знаеме. Не заклаа, и тоа многу солидно...

Единствениот добитен тикет што беше објавен во коментари е тикетот на Пердика I (први) :). Има големи шанси добивката утре и да му се зголеми. Пердика, честитам! :)

Еве го тикетот.
Chelsea:Levski 1 f √ (2:0)
----------------------
PSV Eindhoven:Bordeaux X x (1:3)
Olympiakos:Shaktir don X √ (1:1)
bayern:Inter X √ (1:1)
Galatasaray:Liverpool X x (3:2)
Barcelona:Werder bremen 1 √ (2:0)
Lyon:Steaua 1
Manchester UTD:benfica 1