Недела, наместо во црква...

Не е добро. Не испокасапија обложувалнициве. По вчерашниот ден, си ветив деке повеќе нема да играм натпревари од англиските пониски лиги, а ќе паузирам и со французи еден период. За денес ќе предложам три дубл тикети. Штета што италијаните нема да игаат викендов, имаше неколку интересни парови за типување таму.

дубл тикет 1:
Braga - Aves 1 1.40 ( football / Portugal 1) √ (1:0)
Ajax - Feyenoord 1 1.75 ( football / Netherlands 1) √ (4:1)
коеф: 2.45

Коментар: Моменталната форма на двата тима е скоро идентична. Минатото коло Ајакс победи во гости со 2:3 откако губеше 2:0 на полувреме, жилав тим се, никогаш не се предаваат. Ајакс игра дома одлично, а Феенорд не игра добро на гости. Со победа Ајакс ќе го престигне АЗ за еден бод и ќе се доближи на само пет бода до ПСВ, екипата која е неприкосновен лидер низ целиот тек на првенството. Феенорд од друга страна, е причино сигурен на петтата позиција, позиција која обезбедува место во Купот на Уефа, не верувам дека ќе пружаат кој знае каков отпор утре. Тип 1.
Португалската прва лига викендов изобилува со изненадувања, во петокот Бенфика играше нерешено, а вчеравечер Порто загуби дома од Амадора. Брага е за класа подобра екипа од Авес и мислам дека нема простор за уште едно португалско изненадување. Тип 1.

дубл тикет 2:
Tottenham - Manchester U. 2 1.90 ( football / England 1) √ (0:4)
Sevilla - Real Sociedad 1 1.30 ( football / Spain 1) x (0:0)
коеф: 2.47

коментар: Toтенхем е екипа која не може да ја најде и задржи вистинската форма цела сезона. Знаат да да врзат две - три добри партии, и потоа тотално да се изгубат. Делуваат анемично од време на време. Тим како Манчестер Јунајтед нема да дозволи да не ги казни моментите на бунило кои очекувам Тотенхем га ги има во текот на денешниот натпревар. Гигс и Сколс одмараа кај Јунајтед на последниот натпревар со Ватфорд и очекувам одморени утре да ги држат конците во играта на тимот од Манчестер. Саха исто така би требало да биде стартер. Мотив плус за Манчестер ќе биде вчерашната победа на Челзи, кој сега заостанува само 3 бода зад нив. Треба да се напомене и дека Тотенхем е клуб кој "му лежи" на Манчестер јунајтед, Тотенхем нема победа против М.У. во последниве шест меѓусебни средби. Има уште причини за да се одигра тип 2 на овој натпревар.
Играат вториот и претпоследниот тим од шпанската Примера. Севиља игра одлично дома, осум победи и еден пораз до сега. Имаа еден кикс дома, и тоа против Мајорка пред неколку кола, и сметам дека тоа е доволно за овој дел од првенството. Ако победат ќе ја престигнат Барселона (која има тешко гостување во Памплона против Осасуна) и ќе бидат први на табелата. Имаа проблеми во изминативе неколку кола, проблеми кои очекувам да се веќе зад нив. За Реал Сосиедад нема што многу да се каже освен дека имаат катастрофална сезона. Постојат огромни шанси клубот кој пред неколку сезони успешно настапуваше бо Лигата на шампиони догодина да се натпреварува во Секунда-та. Тип 1. Ова е според мене најсигурниот пар од овие шест.

дубл тикет 3:
AEK Athens - Olympiakos 0-2 1.60 ( football / Greece 1) x (3:3) !!!
Paderborn - Kaiserslautern 0-2 1.60 ( football / Germany 2) √ (0:1)
коеф: 2.56

коментар: Во Атина ќе се игра градско дерби. Играат првиот и вториот тим на табелата, воедно и екипите со најмногу постигнати голови до сега во првенството. Со оглед на тоа дека постои огромна разлика во квалитет помеѓу овие два тима (и Панатенаикос со нив) и останатите клубови од грчката прва лига, податокот дека актерите од денешното дерби постигнуваат многу голови не може да се земе како битен факт. Очекувам да нема голови утре, и резултат како 1:0 или 0:0. За вториот натпревар, ништо друго освен статистика не е земено во предвид. Играат две екипи кои на последните шеснаесет натпревари што ги играле (вкупно) имале само два со повеќе од два гола. Се надевам дека нема да изненадат утре.

Коефициентите се од SportLife. Првите два тикети може да се играат во Златна Копачка или Меридијан. Третиот може да се игра било каде.