Паузата заврши, we are back in business ;-)

Пред да ги дадам моите неколку предлози за денес, би сакал да ви соопштам две новини поврзани со блогов.
1. Од сега натаму нема да предлагам многу парови за игра. Забележувам дека во последно време успешно ги погодувам првите неколку избрани парови, а имам очајни резултати со оние ибрани дополнително, т.е. оние кои главно ги ставам на вториот тикет. Од сега нема да го правам тоа, ќе ги објавувам само оние предлози за кои сум сигурен дека имаат навистина добри шанси, па макар тоа биле два-три предлози со коефициенти 1,20. Значи, од сега натаму повеќе ќе обрнувам внимание на квалитет а не на квантитет како до сега ;).
2. Втора битна новина поврзана со блогов е тоа што ќе почнам да објавувам и НБА предлози за обложување. Имено, се работи за официјализација на соработката со еден од најквалитетните македонски блогови NBA Macedonia. Еден од авторите на MakNBA, Каракаш, единствениот новинар во Македонија чија специјалност е НБА, и веројатно човекот со најголеми НБА познавања во Македонија, од пред некој ден, на погоре споменатиот блог објавува предлози за обложување на НБА натпревари. Jас го имам ексклузивното право истите да ги копирам и објавувам овде ;-).

Тоа се новостите. Да преминеме сега на главното!
Во продолжение на гигантскиов пост ќе видите кои од денешните натпревари мене ми се чинат интересни. Ќе пишам по некој збор за сите предлози, ако за некој предлог нема пишана анализа, да знаете дека ме фатила мрза и дека и за тие предлози постои анализа као и за останатите само што таа не е напишана :).

Eве ги сите на едно место, за поголема прегледност.

• Twente - Willem II 1 1,30 x (0:0)
• Liverpool - Sheffield Utd 1 1,35 √ (4:0)
• Fulham - Manchester United 2 1,55 √ (1:2)
• Grasshoppers - Aarau 1 1,40 √ (1:0)
• Bayern Munchen - Wolfsburg 1 1,40 √ (2:1)

1 .Twente - Willem II 1 1,30 x (0:0)
Twente гази сè пред себе веќе извесен период. Во одлична форма се! Освен тоа, Willem II им лежат како тим, немаат пораз од нив во последниве осум меѓусебни дуели. Ако ја продолжат низата победи, опасно ќе се замешаат во борбата за титула, во само три бода се со второ и трето пласираните Аjax и АZ. PSV сеуште е прв на табелата, но евидентна е нивната слаба игра во последно време. Згора на тоа, Twente опасно игра дома, досегашниот биланс им е 11 победи и 1 пораз. За разлика од нив, Willem II е лидер на групата од пет клубови на дното на табелата од кои еден со сигурност ќе ја напушти првата лига, а два ќе играат бараж натпревар/и за опстанок. Играат доста променливо, башка, играат слабо на гости. Тwente e комплетен, нема проблем со повредени или казнети играчи. Нема податок што не посочува на победа на Twente.
"Единствено нешто што мене ме колеба, е сликата за идеален тим што по малку истражување ја добив за Twente и ви ја пренесов во неколкуте реченици погоре. Twente не е клуб од калибарот на Реал М., Интер, Челзи или сл. за да нема проблем да ја одржи формата на високо ниво подолго време. Сепак, типувам 1, и искрено се надевам дека киксот нема да им се случи денес. А сигурно ќе се случи, наскоро." √√√

2. Liverpool - Sheffield Utd 1 1,35 √ (4:0)
3. Fulham - Manchester United 2 1,55 √ (1:2)
Одлични анализи на овие два предлози на својот блог има новинарот на А1, Драган Николовски. Од пред извесно време тој има блог на кој објавува анализи и привјуа (кој е македонскиот збор за preview?!) на натпревари од Премиер Лигата. Ако не сте го посетиле неговиот блог, направете го тоа веднаш преку оваа врска. Ќе забележам дека нема многу обложувачки моменти во неговите анализи, што е и очекувано, бидејќи сепак се работи за новинар, објективноста му е на 1. место. Како и да е, ќе повторам уште еднаш, анализите му се инзвонредни и не пропуштајте да ги ѕирнете.

4. Grasshoppers - Aarau 1 1,40 √ (1:0)
Веќе трето коло по зимската пауза во првата швајцарска (супер) лига. Grasshoppers e тим кој невообичаено, игра дома и на гости со скоро идентичен успех. За разлика од нив, нивниот денешен противник, Аarau игра катастрофално лошо во гости, до сега имаат една победа и девет порази. Aarau е закован на последното место на табелата, со само триенаесет бода. За разлика од нив, Grasshoppers во досегашниот тек од првенството собра скоро три пати повеќе бодови од нив и се наоѓа на солидното четврто место, на само чекор од место на табелата кое води во некое од европските натпреварувања. Минатото коло и двата тима победија. Чинам дека два добри резултати во серија за Aarau би биле премногу. Верувам дека Grasshoppers нема да ја пропуштат денешната шанса да освојат три лесни бода и потоа да чекаат кикс на некој од конкурентите за првите три места на табелата.

Мојот последен предлог за денес е:

5. Bayern Munchen - Wolfsburg 1 1,40 √ (2:1)
Големиот Bayern Munchen е во криза, и тоа е повеќе од очигледно. Ги гледав во вторникот на натпреварот против Rеаl М. и морам да забележам дека не делуваа толку анемично и изгубено како до пред десетина дена. И покрај тоа што загубија, покажаа вистински германски фудбал. Особина со која нивната игра од последниов период не можеше да се окарактеризира во никој случај. Нивен противник денес ќе биде Wolfsburg, екипа од средината на табелата, всушност, екипа која е предводник на една група од девет клубови од средината и дното на табелата. Wolfsburg е екипа која игра отворен фудбал и не е лошо да се напомене дека на последниве осум натпревари што ги изиграле имало повеќе од 3 погодоци (ние би рекле, натпреварите биле 3+ ;-)). Очекувам утре, благодарение на отворената игра на Wolfsbuurg, Bayern Munchen да го надмине проблемот со давање голови на првенствени натпревари и да покаже дека сезоната за нив е далеку од изгубена. Очекувам, со победа утре да си ја вратат загубената самодоверба, и да почната забрзано да се движат кон врвот на табелата, таму каде што навистина припаѓаат.

Толку. Коефициентите приложени во постот се од SportLife. Ви посакувам многу среќа на сите, вашите предлози во коментари.

update1: Aaaaaaaaaaaaaaaaaaaaaaaaaaaaaaaaaaa...