ЛШ: Реванши, ден втор

Вчера имавме интересни резултати. Ретки се луѓето што вчера имаа добитни тикети, веројатно оние што играле сингл на Барселона, или пак ја “врзале“ со Челзи на дубл тикет. Барса победи, но незаслужено, мора да се признае. Како и да е, правдата е задоволена и подобриот во 180те минути, Ливерпул, оди понатаму. Челзи исто така оди понатаму. На почетокот на мечот исто како и пред 14 дена прв поведе Порто, но сепак Челзи си ја заврши работата како што треба и не дозволи изненадување. Лион, според мене еден од фаворитите за титулата во ЛШ оваа година загуби од Рома дома (има рима ;)), и испадна. Тоа беше бомба на вечерта, резултат што ги покоси сите. Валенсија исто така оди понатаму, за мене очекувано, напишав во вчерашната анализа што мислам и отприлика така и бидна. Од обложувачки аспект катастрофални резултати имаше и во англиската конференција, и баш ми е ќеиф што не играв ништо од таму.

* * *

Денес исто така имаме четири натпревари за игра од ЛШ. Имајќи ги во предвид резултатите од вчера, ќе треба да бидеме многу претпазливи.

1. AC Milan - Celtic Glasgow 1 1,40 x (0:0)
2. Manchester Unitеd - Lille 1 1,35 √ (1:0)
3. Bayern Munchen - Real Madrid 1 2,05 √ (2:1)
4. Arsenal - PSV Eindhoven 1p X 2,00 √ (0:0)

Натпреварот кој ми се чини ќе може најлесно да се прогнозира е натпреварот Милан - Селтик. Кај Милан ќе недостасува Роналдо, кој не смее да игра во ЛШ. Останатите играчи на Милан се спремни за утрешниот меч, башка во одлична форма се, чинам дека во 2007 година Милан нема пораз. Го гледав на два - три пати во последниве петнаесетина дена и мислам дека е апсолутен фаворит на утрешниот натпревар. Селтик не го знам добро, но од она што го видов на првиот натпревар во Шкотска, сметам дека шансите им се многу многу мали. Тип 1.
Манчестер Јунајтед пред четиринаесет дена го победи Лил во гости со еден нерегуларен гол и ќе почне утре со предност од 1:0. Кај Јунајтед Сколс и Евра може да не бидат стартери поради повреди. Саха исто така на почеток ќе биде на клупата. Руни ќе игра заедно со Ларсон во нападот. Останатите играчи на Манчестер ќе играат на стандардните позиции како стартери. Лил не е слаба екипа, но, како што кажав и за Порто вчера ќе биде преголем залак за нив да го исфрлат Манчестер од ЛШ. Фергусон нема да дозволи клупата да му биде непријатна за седење во последните минути од мечот, т.е. нема да дозволи само со нерешен резултат Манчестер да оди понатаму. Очекувам Лил и да не добие вистинска шанса утре. Манчестер би требало да стартуваат под полна гас, и со резултат како на пр. 3:0 да го добијат утрешниот меч.

update1:
Размислував поприлично како да одиграм на останатите два натпревари, и одлучив да одиграм како што гледате на почетокот на постов. Ќе типувам на победа на Баерн затоа што се сепак во подобра форма од Реал во моментов, затоа што има добар коеф. за нивна победа, затоа што играат дома и затоа што сум навивач на Реал Мадрид откако знам за себе. Ако Реал изигра нерешено или победи, тогаш тие одат понатаму и нема да ми биде воопшто мака. ;)
За последниот натпревар Арсенал - ПСВ ќе типувам Х на полувреме. Бабак ме наведе на ова. Арсенал игра многу променливо во последно време. Утре кај нив ќе недостасуваат Росицки, Фламини и Сендерос. И играњето на Анри не е 100% потврдено, но веројатно тој ќе биде во стартниот состав. ПСВ пак е комплетен. Очекувам Арсенал да напаѓа во текот на целиот натпревар, впрочем, тие тоа го правеа и на натпреварот пред 14 дена. Сепак, мислам дека нема да има голови до полувреме.