Недела

Вчера имаше добри резултати, се надевам дека поминавте добро. Мене среќата вчера ме напушти, па двата тикети што ги изиграв беа недобитни поради еден натпревар, а добивките беа солидни. Но, што е - тука е.
Сакам да потенцирам неколку работи во постов, работи што сакам да ги кажам веќе подолго време.

1. Предлозите, заедно со коментарите за секој предлог (доколку ги има) се ставаат во коментари, не во шаутбокс. Причина за ова се големиот број пораки кои циркулираат низ шаутбоксот секој ден, пораки кои често ги истиснуваат интересните предлози што некои од вас ги оставаат. Така, предлозите се достапни само на оние кои се онлајн во моментот на објавување во шаутбоксот.

2. Од пред неколку дена, постои блог кој има скоро идентично име како овој, блог чиј изглед е скоро идентичен на овој блог. Украдени од кај мене се неколкуте кратки текстови што стојат во сајдбарот, а и неколкуте боксови со врски (линкови). Лигушите што го направиле тоа, постојано оставаат коментари во шаутбоксот на нашиов блог, коментари во кои оставаат линк до нивниот блог, а многу често и се потпишуваат како Деко. Со оглед на тоа дека Деко го работи ова што нас ни е хоби професионално, сето тоа што се случува со коментарите е максимално подло, ниско и лигушки. Сакам да ве предупредам, кога и да видите порака потпишана од Деко, да ја проверите за да се уверите дека таа е навистина на Деко. Околу начинот на проверување верувам дека не ви требаат инструкции.

Сега за сега толку. Педлози нема да објавам (барем не до 16 часот), затоа што немам желба да тарашкам по форуми, блогови и да правам анализи по вчерашниот дебакл. Ќе чекам ваши предлози. Кога ќе станам од спиење околу 15 часот, сакам да видам барем 20 коментари со предлози. :) На сите што денес ќе играте, ви посакувам многу среќа.